Passaru i ciura r’ogni tempu
Passaru santi, piccatura e bestie.
Ma nun passa ancora lu ventu giustu,
ca putissi pulizziari e sgaddare stu mari.

Un sapemu chiù cuntari, nun sapemu chiù …,
e mancu vuci sapemu iccari
semu sempri ammucciati sutta i balatuna,
ammucciati a taliari u passiu supra i casi sdirrubbati.

e putemu taliari cu l’occhi fissi, sempri,
ma pignata taliata un bugghi mai,
taliari serbi sulu a l’occhi,
taliari serbi sulu a un viriri.

E nun ci ponnu li morti
Un ci ponnu li bummi
Forsi mancu Dio ci po
Sulu lu pinseru …

I strati fannu fetu ri fumiere
E nuatri chiù fetu ri strati,
e l’uomini r’uniri si lardianu
scialanu, vivinu e cantanu.